Парадок Фестивал

February 07, 2013

Идејата за самиот фестивал е поттикната од потребата за уметничкиот израз, претендирајќи пред се локални артисти, независно од правецот на уметност во кој делуваат. Исто така е застапено учество на артисти од други земји, кои би сакале да гостуваат. Фестивалот е од помал размер, еден вид на gathering и претставува независен уметнички проект.

Првото издание на Парадок фестивалот се одржа од 10-12.07.2012 година во клуб Камарите. Покрај македонски артисти, учествуваа и француски артисти. Програмата на фестивалот опфаќа мешовит концепт од музичка, филмска и ликовна уметност.

Nils Bouvyer, уметник од Лион, Франција, кој студирал камера на универзитетот во Кореја, претстави два кратки филма, во кои актерска екипа беа студенти од катедрата за актерство во Кореја. Беа прикажани оригиналните клипови на екипата на Ситносецкано. Проекциите на кратки филмови се одржуваа секој ден, за време на фестивалот.

За време на трите фестивалски денови, беа поставени Либротеката, чија цел беше интеракција со публиката, размена на цд-а, списанија, книги, стрипови, поставени на полиците од влезниот дел од клубот, која имаше фантастичен одзив. И инсталацијата на оригами, чија цел беше запознавање на индивидуата со старата јапонската техника на моделирање на хартија.

Вечерта е резервирана за Dj сетови и визуелни проекции, конципирани и презентирани за време на трите фестивалски денови, од страна на македонски артисти.